2nd April 2023, Sixth Sunday in Lent

St Matthew 21: 1-11

[1]Καὶ ὅτε ἤγγισαν εἰς ῾Ιεροσόλυμα καὶ ἦλθον εἰς Βηθσφαγῆ πρὸς τὸ ὄρος τῶν ἐλαιῶν, τότε ὁ ᾿Ιησοῦς ἀπέστειλε δύο μαθητὰς [2]λέγων αὐτοῖς· πορεύθητε εἰς τὴν κώμην τὴν ἀπέναντι ὑμῶν, καὶ εὐθέως εὑρήσετε ὄνον δεδεμένην καὶ πῶλον μετ᾿ αὐτῆς· λύσαντες ἀγάγετέ μοι. [3]καὶ ἐάν τις ὑμῖν εἴπῃ τι, ἐρεῖτε ὅτι ὁ Κύριος αὐτῶν χρείαν ἔχει· εὐθέως δὲ ἀποστέλλει αὐτούς. [4]τοῦτο δὲ ὅλον γέγονεν ἵνα πληρωθῇ τὸ ῥηθὲν διὰ τοῦ προφήτου λέγοντος· [5]

εἴπατε τῇ θυγατρὶ Σιών,

ἰδοὺ ὁ βασιλεύς σου ἔρχεταί σοι

πραῢς καὶ ἐπιβεβηκὼς ἐπὶ ὄνον

καὶ πῶλον υἱὸν ὑποζυγίου.

[6]πορευθέντες δὲ οἱ μαθηταὶ καὶ ποιήσαντες καθὼς προσέταξεν αὐτοῖς ὁ ᾿Ιησοῦς, [7]ἤγαγον τὴν ὄνον καὶ τὸν πῶλον, καὶ ἐπέθηκαν ἐπάνω αὐτῶν τὰ ἱμάτια αὐτῶν, καὶ ἐπεκάθισεν ἐπάνω αὐτῶν. [8]ὁ δὲ πλεῖστος ὄχλος ἔστρωσαν ἑαυτῶν τὰ ἱμάτια ἐν τῇ ὁδῷ, ἄλλοι δὲ ἔκοπτον κλάδους ἀπὸ τῶν δένδρων καὶ ἐστρώννυον ἐν τῇ ὁδῷ. [9]οἱ δὲ ὄχλοι οἱ προάγοντες καὶ οἱ ἀκολουθοῦντες ἔκραζον λέγοντες·

ὡσαννὰ τῷ υἱῷ Δαυΐδ·

εὐλογημένος ὁ ἐρχόμενος ἐν ὀνόματι Κυρίου·

ὡσαννὰ ἐν τοῖς ὑψίστοις.

[10]καὶ εἰσελθόντος αὐτοῦ εἰς ῾Ιεροσόλυμα ἐσείσθη πᾶσα ἡ πόλις λέγουσα· τίς ἐστιν οὗτος; [11]οἱ δὲ ὄχλοι ἔλεγον· οὗτός ἔστιν ᾿Ιησοῦς ὁ προφήτης ὁ ἀπὸ Ναζαρὲτ τῆς Γαλιλαίας.

Comments

[3] αὐτῶν χρείαν ἔχει: χρείαν ἔχει, a popular idiom, means ‘have need of, require’; freq. in NT. αὐτῶν, ‘of these’, refers to the two pack animals.

[5[πραῢς: πραῢς, πραεῖα, πραῢ = ‘modest, meek, gentle’.

υἱὸν ὑποζυγίου: υἱὸν, sg. acc. < υἱὸς, ‘son’; here = male offspring. ὑποζυγίου,  sg. genitive < ὑποζύγιον = ‘beast of burden’ (lit. ‘under the yoke’).

[9] ἔκραζον: κράζω, ‘cry, call, call out’; here the vb refers to loud acclamation.

[10] ἐσείσθη πᾶσα ἡ πόλις λέγουσα: ἐσείσθη, 3^rd pers. sg. pass. aor. < σείω, ‘Ι shake, quake’ (properly of an earthquake). Cf. Engl. seismic. The city is personified, hence it ‘says’ (λέγουσα, ‘saying’).